Pues sí, queríos collacios la resolución xudicial qu'anula el ratiu d'estudiantes d'asturianu na Educación Secundaria Obligatoria ye una gran noticia pa la llingua asturiana y la so presencia nos centros educativos d'Asturies. Yo mesmu sufrí esi ratiu cuando en 2º de Bachilleratu (tras estudiar asturianu en primaria [6 a 12 años], na ESO [12 a 16 años] y nel primer cursu de Bachilleratu. En total 11 años de clases d'asturiana na escuela y nel institutu pero cuando llegué a 2u nun pudi estudiar asturianu y quedé con esa espinina clavada.
Nel fondu, dende mi opinión, había una clara incompatibilidá entre la Llei d'Usu ("con oxetu d'amparar el derechu de los ciudadanos y ciudadanes a conocer y usar l'asturianu y les sos variantes y establecer los medios que lu faigan efectivu, garantiza la so enseñanza en tolos niveles y graos del sistema educativu") y esi ratiu, ¿Por qué onde quedaba el derechu de los ciudadanos qu'escoyíen asturianu y llueu nun teníen grupu?
Munches vegaes neños y neñes que se muestren insteresaos en estudiar la nuesa llingua, nun pueden facelo por culpa d'esi dichosu "quórum", a parte, que l'asturianu sobre too na ESO llucha contra otres alternatives como una segunda llingua extranxera (colos tópicos simplones que llevamos tola vida sintiendo "eso nun val pa na, fíu, estudía alemán o italiano que ye muncho más importante" o "ye que col asturianu nun encuentres trabayu" cuando al final esos mozos nunca van a Alemania o Italia o cuesta-yos lo mesmu encontrar trabayo ensin asturianu y sabiendo decir hallo o buon giorno. Pero la cuestión nun ye que la mocedá nun estudie llingües del mundiu, el problema que se plantega ye la manía d'enfrentar una llingua minorizada contra llingues muncho más potentes que n'esti casu la nuesa y parte utilizar esos tópicos que faen, en muchos casos, animar a la xente a nun escoyer asturianu, que nel fondu ye lo que se quier con esta rivalización. Otres vegaes vemos qu'hai presiones por parte d'algunos órganos pa que nun se pida asturianu o que nun haya mayestru...
Les coses pocu a pocu van avanzando y meyorando y la situación de la llingua dientro de les escueles se va normalizando y creciendo el número d'escolinos que cursen l'asignatura. Ye cierto tamién que falta munchísimu pa llegar a una presencia digna y falta organización de cara a impartir l'asignatura pero la cosa marcha.
Precisamente munches vegaes tamién hai un incumplimientu clarísimu de la Llei al nun ofrecer direutamente (equí yá nin salten el ratiu) los centros educativos como asignatura opcional, ye dicir, como asignatura optativa dientro de la Educación Primaria y ESO, esto ye asina y ocurre mayoritariamente en colexos privaos o concertaos (aunque siempre hai esceiciones y ya digo que la situación ta cambiando cursu a cursu). Esti añu la escolarización n'asturianu pasa de los 18.000 neños y neñes, tando na mayoría en centros educativos públicos.
Nel fondu vemos que nun hai más que prexuicios llingüísticos que son los que faen que mos encontremos en situaciones tan llamentables como que los guahes tengan qu'echar un duru n'un bote o situaciones similares que son sorprendentes equí, porque n'otros llugares ye impesable que a un neñu-y pongan un castigu por decir una pallabra n'otra llingua.
Agora, dende la Conseyería d'Educación dicen que van recurrir la sentencia, con Herminio Sastre a la cabeza, responsable del Sistema Educativu Asturianu y la verdá ye que ye preocupante porque que salga una sentencia asina y que lo primero que se diga dende'l Gobiernu Asturianu (que paez que nin acata les resoluciones xudiciales) ye que la quier recurrir y mostrar esa prepotencia qu'un cargu públicu y de responsabilidá política hacia una decisión xudicial.
Esperemos que la llegada de la seronda faiga baxar del árbol al que ta mangáu el Gobiernu Asturianu y al Señor Conseyeru y medite más y meyor les sos decisiones polítiques y les sos declaraciones públiques como decir que la Educación Infantil "nun ye un ciclu escolar nin educativu". Home, ye sorprendente que'l responsable educativu diga esto cuando la LOE (Llei Orgánica 2/2006 del 4 de mayu) nel capítulu 1, artículos 12 y 14 dexa claro el carácter escolar y educativu tanto el primer ciclo como'l segundu de la Educación Infantil.
Hai motivos pa la ilusión, pa poder confiar en que la llingua asturiana tea viva, tea presente con unes condiciones dignes nos centros escolares d'Asturies aunque al Gobiernu nun-y faga gracia, que son más añu tres d'añu les families que quieren que los son fíos y fíes estudien l'asturianu y eso nun dexa de ser un motivu d'ánimu y futuru.
Nel fondu, dende mi opinión, había una clara incompatibilidá entre la Llei d'Usu ("con oxetu d'amparar el derechu de los ciudadanos y ciudadanes a conocer y usar l'asturianu y les sos variantes y establecer los medios que lu faigan efectivu, garantiza la so enseñanza en tolos niveles y graos del sistema educativu") y esi ratiu, ¿Por qué onde quedaba el derechu de los ciudadanos qu'escoyíen asturianu y llueu nun teníen grupu?
Munches vegaes neños y neñes que se muestren insteresaos en estudiar la nuesa llingua, nun pueden facelo por culpa d'esi dichosu "quórum", a parte, que l'asturianu sobre too na ESO llucha contra otres alternatives como una segunda llingua extranxera (colos tópicos simplones que llevamos tola vida sintiendo "eso nun val pa na, fíu, estudía alemán o italiano que ye muncho más importante" o "ye que col asturianu nun encuentres trabayu" cuando al final esos mozos nunca van a Alemania o Italia o cuesta-yos lo mesmu encontrar trabayo ensin asturianu y sabiendo decir hallo o buon giorno. Pero la cuestión nun ye que la mocedá nun estudie llingües del mundiu, el problema que se plantega ye la manía d'enfrentar una llingua minorizada contra llingues muncho más potentes que n'esti casu la nuesa y parte utilizar esos tópicos que faen, en muchos casos, animar a la xente a nun escoyer asturianu, que nel fondu ye lo que se quier con esta rivalización. Otres vegaes vemos qu'hai presiones por parte d'algunos órganos pa que nun se pida asturianu o que nun haya mayestru...
Les coses pocu a pocu van avanzando y meyorando y la situación de la llingua dientro de les escueles se va normalizando y creciendo el número d'escolinos que cursen l'asignatura. Ye cierto tamién que falta munchísimu pa llegar a una presencia digna y falta organización de cara a impartir l'asignatura pero la cosa marcha.
Precisamente munches vegaes tamién hai un incumplimientu clarísimu de la Llei al nun ofrecer direutamente (equí yá nin salten el ratiu) los centros educativos como asignatura opcional, ye dicir, como asignatura optativa dientro de la Educación Primaria y ESO, esto ye asina y ocurre mayoritariamente en colexos privaos o concertaos (aunque siempre hai esceiciones y ya digo que la situación ta cambiando cursu a cursu). Esti añu la escolarización n'asturianu pasa de los 18.000 neños y neñes, tando na mayoría en centros educativos públicos.
Nel fondu vemos que nun hai más que prexuicios llingüísticos que son los que faen que mos encontremos en situaciones tan llamentables como que los guahes tengan qu'echar un duru n'un bote o situaciones similares que son sorprendentes equí, porque n'otros llugares ye impesable que a un neñu-y pongan un castigu por decir una pallabra n'otra llingua.
Agora, dende la Conseyería d'Educación dicen que van recurrir la sentencia, con Herminio Sastre a la cabeza, responsable del Sistema Educativu Asturianu y la verdá ye que ye preocupante porque que salga una sentencia asina y que lo primero que se diga dende'l Gobiernu Asturianu (que paez que nin acata les resoluciones xudiciales) ye que la quier recurrir y mostrar esa prepotencia qu'un cargu públicu y de responsabilidá política hacia una decisión xudicial.
Esperemos que la llegada de la seronda faiga baxar del árbol al que ta mangáu el Gobiernu Asturianu y al Señor Conseyeru y medite más y meyor les sos decisiones polítiques y les sos declaraciones públiques como decir que la Educación Infantil "nun ye un ciclu escolar nin educativu". Home, ye sorprendente que'l responsable educativu diga esto cuando la LOE (Llei Orgánica 2/2006 del 4 de mayu) nel capítulu 1, artículos 12 y 14 dexa claro el carácter escolar y educativu tanto el primer ciclo como'l segundu de la Educación Infantil.
Hai motivos pa la ilusión, pa poder confiar en que la llingua asturiana tea viva, tea presente con unes condiciones dignes nos centros escolares d'Asturies aunque al Gobiernu nun-y faga gracia, que son más añu tres d'añu les families que quieren que los son fíos y fíes estudien l'asturianu y eso nun dexa de ser un motivu d'ánimu y futuru.
No hay comentarios:
Publicar un comentario